Isililo ebesikhona kwenziwa inkonzo yesikhumbuzo sabaculi baMaskandi uScebi Dlamini no Sipho ” Gupta” Mchunu. Isikhumbuzo besenziwe eThekwini Community Church eThekwini. Yize Izindaba zokudlula kabuhlungu ngengozi yemoto kulamaciko zithuse abaningi futhi zazwisa ubuhlungu kubalandeli nabaculi ikakhulukazi bomculo kaMaskandi, kodwa kuphinde kwathobisa umndeni umoya ukuvela kukaNgqongqoshe wezamaCiko uMnu Mntomuhle Khawula, abasakazi boKhozi FM, abaculi uMthandeni SK no Ayanda Ntanzi, beyovela ekhayala likaScebi eMsinga.
Enkonzweni yesikhumbuzo kuqhume izithembiso. UXolani Mcineka uthe usazoqhubeka enze okuthile eskhaleni sikaScebi obezodlala kwiMpucuzeko, ukuze imali abezoyikhokhelwa ayithole njengoba injalo. UJumbo unikele ngenkomo. Amaciko kaMaskandi asehlanganise imali engango R250 000. Amathole Funerals yiwo azokwenza umngcwabo. ISilo SamaZulu sikhalise ngezinkomo ezimbili kuyo yomibili imindeni, saphinda sathi ngomngcwabo sizovela futhi.
