IZOKE ithi khumu imidlalo yePSL njengoba kulungiselelwa imidlalo yamazwe ngamazwe yokuhlungela iNdebe yomhlaba yeFIFA ka-2026.
IKaizer Chiefs ibe nenhlanhla yokuthi umdlali wayo, uMduduzi Shabalala abe ngomunye wabahlungelwe ukungena eqenjini lesizwe iBafana Bafana.
UShabalala uzobonakala kuleli qembu mhla lulunye -1 kuMandulo, lapho iBafana Bafana izogadulisana neqembu lase Lesotho nelaseNigeria mhlaka ziyi-6 kuMandulo.
UShabalala oneminyaka eyi-21 usedlale imidlalo eyi-6, akakabi nenhlanhla yokwakha nokuvalela ibhola enethini kulesizini.
Umqeqeshi weqembu le sizwe uHugo Broos uke wabashalazela iskhathi eside ukuba biza eqenjini lesizwe abadlali be Mpofu ngenxa yokungenzi kahle kanye nokuphikwa imiphumela. Kanti silokhu sibone kwehle nesibalo sabadlali beMamelodi Sundowns eqenjini le sizwe ngenxa yokulimala kanye nokwehla kwezinga lokudlala.
Kuphinde kwangenela uBroos kumdlali weMamelodi Sundowns uKhuliso Mudau obenezinkinga neqembu okuholele ukuba adube ukuzilolonga neqembu, kepha kusize amazwi ka Broos ukuba abuyele azilolonge neqembu ukuze athole nemizuzu yokudlala akwazi nokubizwa esikwatini se Bafana Bafana.
IBafana Bafana izokwamukela iLesotho ngolwesihlanu mhlaka 5 KuMandulo eFree State Stadium baphinde bamukele iNigeria ngolwesibili mhlaka 9 kuMandulo eFree State Stadium. Kulindeleke ukuba iBafana Bafana inqobe lemidlalo ukuze izibeke ethubeni lokuba yinxenye yomqhudelwano ye Ndebe yomhlaba ka 2026.
