Ezemvelo KZN Wildlife ibe nenkomfa yabesilisa bodwa, bekwenza lokhu ngosizo lwehhovisi lika Nkk Nonhlanhla Brown oyinhloko ye CSS. Lenkomfa yenzelwe eMsinsi Holdings Albert Falls eMgungundlovu. Isiqubulo salenkomfa kulonyaka sithi ” SAKHIWE EHLANE”. Lenkomfa ephela kusasa idle ngezinkulumo ezakhayo, ezifundisayo nezivula amehlo. Isikhulumi sosuku uBaba Ndabe Myeza ukhulume kwavuleka amehlo kwabesilisa abakade bengaqondi ngento yokuhlukumezeka uphuma kwisidoda sika aba uya kwisibeletho sikaMama. UMnu Pat Mfeka ukhuthaze abesilisa ukuthi bangafeli ngaphakathi, bacele usizo akusilo ihlazo. UMnu Dumsani Pakkies uxwayise abesilisa ukuba bawunakekele umzimba wabo, bajwayele ukuvakashela oDokotela ukuhlola omzimba nathi yikho okumsizile ukulawula isifo aphila naso somdlavuza. Waphinde wawacela amadoda ukuthi abambelele kwabesifazane ukunakekela isimo sempilo. Wazisusa iynkulumo uScelo Mncube ekhuluma ngobuntekenteke nobuqotho bendoda. UMnu Vusi Mthembu uthe kulukhuni ukuba yindoda ethatha izinqumo eziphusile ibe idungekile ngokomqondo. Okhulumela aboMsinsi Holdings UMnu Sandile Mkhize ubonge eZemvelo ngokubamema kulenkomfa ebaluleke kangaka emadodeni, kwazise amadoda athenjiwe masemaZulwini ukuhola ngobuqotho, yeseke, ivikele iphinde inakekele nemindeni.
