Umbiko: Siphiwe Madlokovu
IQEMBU le Lamontville Golden Arrows lizidlele amahlanga ku Orbit College kowe Betway Premiership eKing Zwelithini Stadium eThekwini elokishini lase Mlazi.
Abafana Besithende baqumbe phansi uMswenko Boys ngamagoli amathathu eqandeni ukuqinisekisa ukuthi bawathatha onke amaphuzu amathathu.
Igoli lokuqala le Arrows liqhamuke ku Sede Junior Dion, kwazothi elesibili lavalelwa enethini nguSiyanda Ndlovu, kanti uJerome Karlese ushayelele isipikili sokugcina sekusele imizuzu engaphansi kwengamashumi amabili ukuthi uphele umdlalo.
Ezika Manqoba Mngqithi ziye kulomdlalo zihambela phezulu kwazise ukuthi beziguqise ele Mamelodi Sundowns ngo 1-0 ngaphambu kokuba zidlale ne Orbit College.
Isthombe: Lamontville Golden Arrows X
