KWAMBONAMBI – UMongameli Cyril Ramaphosa usememezele ukuthi inxusa lakuleli elishonele eFrance UMnu Nkosinathi Mthethwa uzohlonishwa ngomngcwabo kaHulumeni okwisgaba sesibili. Usuku lomngcwabo yiSonto leli esibheke kulo. URamaphosa uphinde wakhipha umyalelo wokuthi kwehle amafulegi kusuka kusasa ngoLwesine kuze kube yiSonto ntambama emuva komngcwabo.
Khona manjalo uNdunankulu wesiFundazwe UMnu Thami Ntuli uhambe nekhabhinethe lakhe ukuyobhonga emswanini ekhaya likaNathi Mthethwa KwesakwaMthethwa KwaMbonambi.
UNathi Mthethwa ushonele eFrance, nokukholakala ukuthi ugxume ehhotela abelele kulo ebhilidini lesi 22. Umakhala ekhukhwini wakhe watholakala buqamama nendawo yesigameko, kanti nomndeni usanemibuzo engakaphenduleki.
Ngale kwalokho uKhomishina wamaPhoyisa kuZwelonke uFannie Masemola usethumele abaphenyi abasezingeni eliphezulu ukwenza uphenyo olunzulu ngokushona kuka Mthethwa.
